नेपालमण्डल डट कमपाखें इन्टरनेट सेन्सरशीपया विरोध

संयुक्त राज्य अमेरिकायाया सदनय् प्रस्तुत इन्टरनेट सेन्सरशीप सम्वन्धी विधयेक सोपा (Stop Online Piracy Act - SOPA) या विरोधय् नेपालमण्डल डट कमं म्हिगः वुधवार न्हिच्छि नेपालमण्डल डट कम बन्द यात ।

न्ह्यथंगु सेन्सरशीपया शिकार कन्हय् नेपालमण्डल डट कम नं जुइफुगु व थुकिया लिच्वः कथं देय् दुने व पिनेया थीथी समाचार, ब्लग, किपा, संकिपा आदि सकतां नेवाः भासं आःया आः हे ब्वमिपिन्थाय् थ्यंकेगु नेपालमण्डल डट कमया आज्जुइ प्रभावित याइगु तायेकाः थथे विरोध यायेगु ज्या जूगु खः ।

जनवरी १८ तारिख खुन्हु अंग्रेजी विकिपिडिया, रेड्डीट, बोइङ बोइङ, मोजिल्ला, वर्डप्रेस आदि हजारौं वेबसाइटं सेवा बन्द यानाः उगु विधयेकया विरोध याःगु खःसा नेपालमण्डल डट कमं नं थुकिइ ऐक्यबद्धता प्वंकूगु खः । थ्व सम्वन्धि जानकारीया लागि थन क्लिक यानादिसँ ।