पौडेल हानं बुत

प्रधानमन्त्रीया निर्वाचनय् याकाःचा जुयादीम्ह नेपाली कांग्रेस संसदीय दलया नेता रामचन्द्र पौडेल गुक्वःगु चरणया निर्वाचनय् नं बूगु दु । बिना प्रतिस्प्रर्धी मौदानय् दीम्ह पौडेल आवश्यक बहुमत खाके मफेवं हानं बूगु खः ।

व्यवस्थापिका संसदय् बिहीवाः जूगु गुक्वःगु चरणया निर्वाचनय् पौडेलया पक्षय् १०५, विपक्षय् २ व तटस्थय् ६१ मत लाःगु खः । व्यवस्थापिका बैठकय् माओवादी, एमाले व मधेशी जनअधिकार फोरमया नं ब्वति दुगु खःसां स्वंगूलिं दलं भोट मब्यूगु खःसा मंकाः लोकतान्त्रिक मधेसी मोर्चानाप आवद्ध स्वंगू दल धाःसा तटस्थ च्वंगु खः ।

आः मेगू चरणया चुनाव असोज २० गते न्हिनसिया ३ बजेयात निंतिं क्वःछिउगु दु ।