तटस्थ च्वनीगु प्रावधानया बारे सर्वोच्चं लिस फ्वन

प्रधानमन्त्रीया निर्वाचनय् सभासद्त तटस्थ च्वनीगु ज्या संविधाननाप स्वाःगु धासें बदर यायेत लाःगु रिटया बारे सर्वोच्च अदालतं विपक्षीतय्त लिखित लिसः फ्वंगु दु ।

अधिवत्ता चन्द्रकान्त ज्ञवाली लगायतं वंगु मंगलवाः अन्तरिम आदेश मार्फत बदर यायेत दायर याःगु रिटय् बिहीवाः ताहिरअलि अन्सारीया एकल इजलासं न्हय्न्हूया दुने निवेदकया माग बमोजिम बदर याये म्वाःगु कारणया लिखित लिसाः बीत विपक्षीया नांमय् आदेश जारी याःगु दु ।

रिटय् व्यवस्थापिका संसद, संविधानसभाया सचिवालय, सभामुख कानुन व न्याय मन्त्रालय व प्रधानमन्त्रीया उम्मेदवार रामचन्द्र पौडेलयात विपक्षी दयेकातःगु दु । रिटयात अग्राधिकार बियाः संविधानया भावना कथं ज्या मजूगु धइगु निवेदकया रिटया विषयल् विपक्षीया ध्यानाकर्षण न्ं याःगु दु ।