एमालेया निखे स्वयाच्वंगु चरित्रया कारणं राजनीतिक गतिरोध : बिजुक्छे

नेपाल मजदुर किसान पार्टीया अध्यक्ष नारायणमान विजुक्छें नेकपा (एमालें) निखे स्वयाच्वंगु चरित्र क्यंगु कारणं राजनीतिक गतिरोध ताःहाकःगु द्वपं बियादीगु दु । बहुमतया सरकार जुसां राजीनामा बियाः सहमतिया नांमय् राजनीतिक गतिरोध अप्वयेकाः एमालें निथि चरित्र क्यंगु द्वपं बिजुक्छें बियादिल ।

थौं बासु उच्च माध्यामिक विद्यलाय कालीघाट व्यवसीया बुदिंया लसताय् जूगु ज्याझ्वलय् वय्कलं विदेशीतय् इशाराय् प्रमुख स्वंगू दलत प्यखँ ल्हुयाच्वंगुलिं समस्या गथे खः अथे हे दुगु धयादिल । ताः ई तक चुनाव पाखें नं प्रधानमन्त्री ल्ययेमफयाः जनताय् राजनीतिप्रति बितृष्णा ब्वलंगु नं वय्कलं धयादिल ।