बारुदी शुरुङ लिकयेगु ज्या जुयाच्वंगु दु : शान्ति मन्त्री
शान्ति व पुननिर्माण मन्त्री रकम चेम्जोङं आम नागरिकया सुरक्षाया निंतिं सरकारं महत्व बियाः बारुदी शुरुङ लिकायेगु ज्या यानाच्वंगु दाबी यानादीगु दु ।
बारुदी शुरुङ प्रतिबन्ध अभियान नेपालं थौं येँय् याःगु ज्याझवलय् मन्त्री चेम्जोङं सरकारं द्वन्द्वया इलय् लानातगु बारुदी शुरुङं सीपि व अगं भगं जुपिंत ग्वहालि यानाच्वंगु नं दाबी यानादिल । सरकारं जिल्ला स्तरय् माइन्स जोखिम शिक्षाबारे जनचेतनामुलक ज्याझवः ह्येगु कुतः यानाच्वंगु धयादिसें मन्त्री चेम्जोङं बारुदी शुरुङ नियन्त्रण सम्बन्धी ओटावा सन्धिलय् नेपालं ल्हाःचि तयेगु सम्बन्धय् सहलह जुयाच्वंगु धयादिल ।
संस्थाया संयोजक पुर्णसोभा चित्रकारं २०१३ तक सरकारं फुक्कं बारुदी शुरुङ रेखाङकीत यानाः लिकायेगु लक्ष्य काःसां अझ नं नेपालय् न्यय्गू स्वयां अप्वः जिल्लाय् विस्फोटया घटना जुयाच्वंगु धयादिल ।
बारुदी शुरुङ व विस्फोटक पदार्थं दयेदँसं ३०० मनूत सीगु यानाच्वंगु दुसाः १०० नं मल्याक मनूत अंगभंग जुइगु यानाच्वंगु खँ धाःगु दु ।
