'अन्तराष्ट्रिय चलखेलया कारणं सरकार गठन यायेमफुगु'

मधेशी जनअधिकार फोरमया अध्यक्ष उपेन्द्र यादवं अन्तराष्ट्रिय चलखेलया कारणं सरकार गठन यायेत थाकूगु खँ द्वपं बियादीगु दु ।

मधेशी विद्यार्थी फोरमं थौं येँय् याःगु ज्याझ्वलय् अध्यक्ष यादवं राजीनितिक दलत राष्ट्रिय सहमति कायम याये मफयाच्वंगु इलय् विदेशीतय्सं चलखेल यायेगु ह्वताः चूलाःगु धयादिल । वय्कलं च्याक्वः तक जूगु प्रधानमन्त्री निर्वाचनं नं प्रधानमन्त्री ल्ययेमफुगुलिं निर्वाचनया नियमावली संशोधन यानाः न्ह्याः वनेमाःगु धयादिल ।

अध्यक्ष यादवं हानं नं इलय् संविधान च्वयेगु सम्भावना मखनाःगु धयादिसें यदि संघीयता व लोकतन्त्रयात समाप्त यायेगु कुतः जुसाः मधेशवादी दलत आन्दोलनय् कुहांवनेगु ख्याच्वः बियादिल ।