कोइराला अस्पतालं डिस्चार्ज
नेपाली कांग्रेसया न्हूम्ह सभापति सुशिल कोइराला थौं अस्पतालं डिस्चार्ज जुयादीगु दु । सभापतिलय् निर्वाचित जुयादी कुन्हु हे छातिया समस्या जुयाः अस्पताल भर्ना जुयादीम्ह कोइराला थौं छेँ लिहांझायादीगु खः । वय्कयात वासः यानाच्वंपिं डाक्टरतय्सं वय्कया उसँय् सुधार जूगुलिं अस्पतालं डिस्चार्ज यानागु खःसां वय्कयात छुं दिं छेँय् हे आराम यायेत सुझाव ब्यूगु दु ।
छेँ थ्यनेवं पत्रकारत नाप खँल्हाबंला यानादिसें कांग्रेस सभापति सुशील कोइरालां पार्टीयात छप्पँ यानाः यंकेगु व सुयातं नं बूगु महसुस यायेगु मबीगु धयादिल । वय्कलं पार्टीयात आः भावनात्मक रुपं छप्पँ यायेगु थःगु प्रथमिकता जुइगु धयादिल । सभापति कोइरालां पार्टीइ सुयातं नं बूगु महसुस यायेमबीगु धयादिसें फुक्कसितं जिम्मेवारी बीमाःगु धयादिल ।
छातिया समस्या जुइवं वय्कयात छवाः न्ह्यः निसें त्रिभुवन विश्वविद्यालय शिक्षण अस्पतालय् भर्ना याकूगु खः ।
