माध्यमिक शिक्षा परिषदया उपाध्यक्षलय् मिश्र
सरकारं उच्च माध्यमिक शिक्षा परिषदयया उपाध्यक्षय् हेमकुमार मिश्रयात नियुक्त याःगु दु । थौं च्वंगु मन्त्रिपरिषद्या बैठकं परिषदया उपाध्यक्ष उपेन्द्र कोइराला व सदस्य सचिव रामबहादुर खड्काया राजीनामा स्वीकृत यानाः उपाध्यक्षलय् सप्तरी मल्टिपल क्यामप्सया रिडर मिश्र नापं सदस्य सचिवलय् पुलांम्ह सहसचिव भीमलाल गुरुङयात नियुक्त याःगु दु ।
सिंहदरवारय् च्वंगु मन्त्रिपरिषदया बैठकं सैनिक शिक्षालयया प्रमुख सेनानी सीताराम खड्कायात महासेनानी, लेखाप्रमुख भुवन अधिकारीयात अनुगमन विभागया महासेनानी व प्रमुख सेनानी डा. रमेशराव विष्टयात प्राविधिक महासेनानीलय् बढुवा याःगु दु ।
अथेहे बैठकं सर्वोच्च अदालतया भवन निर्माणया निंतिं सिंहदरवार परिसर दुने हे जग्गा उपलब्ध यायेगु व आःया सर्वोच्च अदालतयात सिंहदरवार परिसर दुने लाकीगु निर्णय याःगु दु । बैठकं मानव अधकिारी सम्बन्धी राष्ट्रिय कार्ययोजन नं स्वीकृत याःगु दु ।
