प्रधानमन्त्री व नर्वेया विशेष दुत दथुइ खँल्हाबंला
नर्वे सरकारया विशेष दुत टोरे टोरेनं प्रधानमन्त्री माधवकुमार नेपालयात नापलाना खँल्हाबंला यानादीगु दु ।
प्रधानमन्त्रीया ज्याकू सिंहदरवारय् जूगु खँल्हाबंलाय् विशेष दुत टोरेनं नेपाःया शान्ति प्रक्रिया व थुकी जुयाच्वंगु विकासया बारेय् च्यूता प्वंकादीगु खः । थौं हे जक नेपाः झायादिम्ह टोरेनं विमानस्थलं तप्यंक प्रधानमन्त्रीयात नापलायेत झाःगु खः ।
उगु इलय् प्रधानमन्त्री नेपालं नेपाःया शान्ति प्रकृयाया बारे जानकारी बियादिसें अनमिनया म्याद लिपांगु इलय् प्यलाःया निंतिं जक तंनातगुलिं इलय् हे फुक्क ज्या क्वचायेकेगु धयादिल । वय्कलं सेना समायोजनया ज्या नं आः प्यलाःया दुने क्वचायेकेगु धयादिल । तर प्रधानमन्त्री नेपालं आः तक माओवादीं कब्जा यानातःगु लितमब्यूगु व वाईसियलया अर्धसैन्य संरचना भंग मयागु धासें च्यूता प्वंकादिल ।
वय्कपिं दथइ थ्यमथ्यं घौंछि तक खँल्हाबंला जूगु खः ।
