कांग्रेसया मजदूर नेतापाखें आत्महत्या
येँ (सन्ध्या टाइम्स)/नेपाली कांग्रेसया भ्रातृ संगठन नेपाल ट्रेड युनियन महासंघ बाराया अध्यक्ष पुलिस यादवं आत्महत्या याःगु दु। कांग्रेस मजदूर नेता यादवं थःगु हे छेँय् यगानाः आत्महत्या याःगु खः ।
बाराया लिपनमाल लागाय् च्वंगु थःगु हे छेँया द्यनेगु क्वथाया सिलिङय् यगानाः यादवं आत्महत्या याःगु खः। थौं सुथय् लिबाक तकं दना मवःगुलिं स्वः वंगु इलय् यादवयात आत्महत्या यानाः सिनाच्वंगु अवस्थाय् लुइकूगु खः। क्वथाय् दुनें चुकू तयातःगुलिं प्रहरीं चुकू स्यंकाः दुहां वनाः स्वःगु खः।
घटनायात कयाः प्रहरीं अनुसन्धान यानाच्वंगु दु। यादवया सीम्ह पोष्टमार्टमया निंतिं अस्पताल यंकूगु दु ।
