'शान्ति वःसा जक संविधान वइ'
येँ (सन्ध्या टाइम्स)/नेकपा (एमाले) येँ १८ वडा कमिटीया ग्वसालय् एसएलसी पास जूपिं विद्यार्थीतय्त हनेगु ज्या जुल। एमाले स्थायी कमिटीया दुजः केपी ओली मू पाहां कथं झाःगु उगु ज्याझ्वलय् ४५ म्ह विद्यार्थीयात हनापौ बिउगु खःसा न्हाप, लिउ व लियांलिउ लाःपिं स्वम्ह�स्वम्हेसित विशेष सिरपाः लःल्हाःगु खः ।
ज्याझ्वः येँ जिल्लाया पार्टी दुजः मदुम्ह लक्ष्मीनारायण तण्डुकारया च्याक्वःगु लुमंति दिवसया झ्वलय् जूगु खः। ज्याझ्वलय् एमालेया केन्द्रीय दुजः राजेन्द्र श्रेष्ठ, कृष्णगोपाल श्रेष्ठ, रामेश्वर फुयाल, येँ जिल्लाया रामवीर मानन्धर, न्हुछेकाजी महर्जनपिंसं नं न्ववानादीगु खः। ज्याझ्वलय् न्ववासें मूपाहां केपी ओलीं हिंसा मच्चे याइपिंसं हिंसा त्वःतूसा शान्ति वइ, शान्ति वःसा संविधान वइ धयादिल ।
वडा कमिटीया अध्यक्ष दुर्गाज्योती शाक्यया सभापतित्वय् जूगु उगु ज्याझ्वलय्. रचना राजोपाध्यायं लसकुस यानादीगु खः। ज्याझ्वलय् नेपाः डान्स एकेडेमी व जनसांस्कृतिक मञ्चया कलाकारतय्सं हुलाप्याखं, म्ये दुथ्याःगु सांस्कृतिक ज्याझ्वः नं याःगु खः ।
