केन्द्रीय दुजःतय् मतगणना क्वचाल
नेपाली कांग्रेसया झिंनिक्वःगु महाधिवेशन अन्तर्गत केन्द्रीय दुजःतय् जारी मतगणना क्वचाःगु दु । पार्टी केन्द्रीय ज्याकू सानेपाय् शनिवाः निसें न्ह्याःगु मतगणनाया लिप्पांगु लिच्वः थौं जक वःगु खः । केन्द्रीय दुजःत मध्ये खुल्ला पाखे नीन्याम्हया निंतिं गुइन्हय्म्हेसिनं उम्मेद्वारी ब्यूगुलि अधिकांश पुलांपिं हे नेतात केन्द्रिय दुजःतय् ल्यःगु दु ।
केन्द्रिय दुजःलय् दकलय् अप्वः मत ल्याम्ह नेता गगन थापां हयेत ताः लाःगु दु । वय्कलं २०६१ मत हःगु खः । अथेहे २०२४ मत हयाः अर्जुननरिसंह केसीं निगू थासय् लाःगु दु । अथेहे खुम्बहादुर खड्का, प्रदिप गिरी, शशांक कोइराला, सुजाता कोईराला, रामचन्द्र पौडेल, रामशरण महत, प्रकाशशरण महत, एनपी साउद, बालकृष्ण खाँड नं केन्द्रीय दुजःलय् निर्वाचित जुइत ताः लाःगु दु ।
अथेहे शेखर कोईराला, मिनेन्द्र रिजाल, चन्द्र भण्डारी, गोपालमान श्रेष्ठ, पूर्णबहादुर खडका, कृष्णप्रसाद सिटौला, शंकर भण्डारी, कुलबहादुर गुरुङ, नारायण खड्का, मनमोहन भट्टराई, बलबहादुर केसी, महेश आचार्य, दिपकुमार उपाध्याय, ज्ञानेन्द्र बहादुर कार्की नं निर्वाचित जूगु दु ।
उखे अञ्चल पाखें केन्द्रीय दुजःया निंतिं जूगु मतदानय् मेचीं नरेन्द्रविक्रम नेम्वाङ, कोशीं आमोदप्रसाद उपाध्याय, सगरमाथां रामकुमार चौधरी, जनकपुरं आनन्दप्रसाद ढुंगाना व बागमतीं नवीन्द्रराज जोशी त्याःगु दु । अथेहे नारायणीं रमेश रिजाल, गण्डकीं सुरेन्द्रराज पाण्डे, लुम्बिनीं कृष्णचन्द्र नेपाली व धवलागिरिं अर्जुनप्रसाद जोशी त्याःगु दुसाः राप्तीं दीपक गिरी, कर्णालीं जीवनबहादुर शाही, भेरीं किशोरिसंह राठौर, सेतीं बद्री पाण्डे व महाकालीं दिलेन्द्रप्रसाद बडु त्याःगु दु ।
