थौं विश्व पर्यटन दिवस

थौं सेप्टेम्बर २७ अर्थात विश्व पर्यटन दिवस । 'पर्यटन व जौविक विविधता' धइगु नारा नापं थौं ३१क्वःगु विश्व पर्यटन दिवस नेपालय् नं थीथी ज्याझ्वः यानाः हनाच्वंगु दु । पर्यटन दिवसया लसताय् पर्यटन व नागरिक उड्डयेन मन्त्रालय व नेपाल पर्यटन बोर्डं मंकाः कथं पर्यटन ज्याझ्वः यायेत्यंगु दुसाः पर्यटन बोर्डं बहनी नेवाः भोय्या नं ग्वसाःग्वयातःगु दु ।पर्यटन दिवसया लसताय् येँया ठमेल नापं पोखराया लेकसाईडय् सतक महोत्सव, रुकुम लगायत थासय् पर्यटन महोत्सव जुइत्यंगु दु ।

सन् २०११यात पर्यटन दँ कथं न्यायेकेत्यंगु नेपालं थौं पर्यटन दिवसया लसताय् थुकीया बारे थप प्रचार प्रसार नं याइगु जूगु दु ।