मन्त्रिपरिषद बैठक बिना निष्कर्ष स्थगित
प्रधानसेनापतिया खँय् छुं ठोस निर्णय मयासें मन्त्रिपरिषदया बैठक स्थगित जूगु दु । सोमवा: प्रधानमन्त्री निवास बालुवाटारय् बाघौ च्वंगु बैठकय् प्रधानसेनापितं ब्यूगु स्पष्टिकरणया गम्भीर अध्ययन यायेगु व मेगू बैठकं उकीया बारे निर्णय यायेगु सहमति जूगु जानकारी संचारमन्त्री कृष्णकहादुर महरां बियादिल ।
थौ सुथय् च्वंगु माओवादी सचिवानयया बैठकं प्रधानसेनापतिया स्पष्टिकरणबारे निर्णय यायेत हथाय् मयायेत मन्त्रिपरिषदयात इनाप यागुलिं प्रधानमन्त्री पुष्पकमल दाहाल प्रचण्डया इनापय् मन्त्रीपरिषदय बैठक स्थगित जूगु खः ।
प्रधानसेनापितं ब्यूगु स्पष्टिकरण दक्व मन्त्रीतय्त अध्ययन यायेत ब्यूगु दु । थौंया बैठकय् मधेशी जनअधिकार फोरमया मन्त्रीतय्सं धासां ब्वति कयामदी ।
सरकारं प्रधानसेनापतिया स्पष्टिकरण कयाः चीकेत्यंगुलिं देशय् राजनीतिक धु्रवीकरण अप्वःगु दु । प्रमखु प्रतिपक्षी दल नेपाली कांग्रेस लगायत थीथी झिंखूगु दलतय्सं सरकारया थ्व निर्णयप्रति गम्भीर आपत्ति प्वंकूगु दु । राष्ट्रपति डा. रामवरण यादवं नं सैनिक ऐन संशोधन मयासें नेपाली सेनाया प्रमुखयात चीकेगु ज्या संविधान व कानुनसम्मत मजुइगु सुझाव प्रधानमन्त्रीयात ब्यूगु खः ।
