शरदया 'जीवनया चाकलय्' पिदन
येँ (सन्ध्या टाइम्स)/नांजाःम्ह बाखं च्वमि शरद कसाःया बाखं सफू "जीवनया चाकलय्" शुक्रवाः विमोचन जुल। अर्थपिथना प्रकाशनपाखें पिथंगु उगु सफू भाजु रामशेखरं विमोचन यानादीगु खः ।
अर्थपिथना प्रकाशन प्रा.लि.या कजि रमेशकाजी स्थापितया सभापतित्वय् जूगु उगु ज्याझ्वलय् वरिष्ठ बाखं च्वमि राजा शाक्यं विमोचित सफूया समीक्षा यानादीगु खः। सफूया समीक्षा यासें वय्कलं बाखं सफुली दुथ्यानाच्वंगु नीनिपुं बाखंया विषयवस्तु छपुलिसे मेगु पानाच्वंगु खँ कनादिल।
ज्याझ्वलय् च्वमि शरद कसाःजुं छपु बाखं पाठ यानादीगु खः। ज्याझ्वलय् 'सन्ध्या टाइम्स' या सम्पादक सुरेश मानन्धरं लसकुस यानादीगु खः ।
