कार्यव्यवस्था समितिया मुँज्या
येँ (सन्ध्या टाइम्स)/थौं प्रधानमन्त्री ल्ययेत च्याक्वःगु चरणया चुनावय् छु यायेगु धइगु विषयय् सहलह ब्याकेत व्यवस्थापिका संसदया कार्यब्यवस्था परामर्श समितिया मुँज्या च्वंगु दु ।
संविधानसभाया भवनय् च्वंगु उगु मुँज्याय् थौंया चुनाव नापं आः मेगु चुनाव गुगु कथं यायेगु, एकीकृत माओवादीया उम्मेदवार प्रचण्डं उम्मेदवारी लित काये धुन धकाः घोषणा यायेधुंकूगु अवस्थाय् छु यायेगु धइगु विषययात कयाः सहलह जुइ धाःगु दु ।
व्यवस्थापिका संसदय् दुथ्यानाच्वंगु नीन्हय्गू हे दलया प्रतिनिधित दुथ्याःगु उगु समितिपाखें हे निर्वाचनया विषय नापं संसद संचालनया कार्यव्यवस्था यायेगु ज्या याइ ।
