ओमी शर्मा मंत

येँ (सन्ध्या टाइम्स)/नेपालभाषा व खय् भाय्या च्वमि मय्जु ओमी शर्मा मंत। वय्कः नांजाःम्ह विद्वान गुरु शेखर राजोपाध्यायया म्ह्याय् खः। च्वसापासा अन्तर्गत नेपालभाषा खँग्वः धुकू दयेकूगु इलय् खँग्वः मुनेगु नापं सहायक सम्पादकया रुपय् ज्या यानादीम्ह शर्मा ४३ दँय् ह्दयाघात जुयाः मदुगु खः। राष्ट्रिय जनसांस्कृतिक महासंघ अन्तर्गत सामाजिक, सांस्कृतिक अध्ययन मञ्चया सचिव नं जुयादीम्ह वय्कःया आपालं साहित्यिक रचनात नं पिहां वयाच्वंगु दु। शर्मा प्रगतिशिल लेखक संघया केन्द्रीय पार्षद नं खः ।