किपुली नेपाः राष्ट्रिय पार्टीया ज्याकू उलेज्या
किपू (सन्ध्या टाइम्स)/नेपाः राष्ट्रिय पार्टी किपू लागाया ज्याकू म्हिगः छगू ज्याझ्वःया दथुइ उलेज्या जुल। छगू तःजिगु सांस्कृतिक ज्याझ्वः सहित मंगलधुनया दथुइ नेपाः राष्ट्रिय पार्टीया नायः डा. केशवमान शाक्यं पार्टीया ज्याकू उलेज्या यानादीगु खः ।
ज्याझ्वलय् न्ववासें डा. शाक्यं देय्या संघीय संरचना गज्याःगु जुइ धइगु खँय् सुनां नं स्पष्ट किपा बी मफयाच्वंगु इलय् नेपाः राष्ट्रिय पार्टीं थःगु स्पष्ट अवधारणा हयाच्वंगु दावी यासें नेपाः पार्टीया संघीय संरचना सम्बन्धी अवधारणा बारे ध्वाथुइकादीगु खः ।
नेपाः पार्टीया न्वकु नरेश वीर शाक्यं थौंया इलय् नेवाःत राजनीतिक रुपं संगठित जुइमाःगु कारण बारे कनादिल।
ज्याझ्वलय् नेपाली कांग्रेस, नेमकिपाया स्थानीय प्रतिनिधिपाखें भिंतुना देछाःगु खःसा स्थानीय थीथी संघ संस्थाया पदाधिकारीतय्सं नं न्ववानादीगु खः ।
ज्याझ्वः नेपाः पार्टी किपू लागाया नायः कृष्णहरि महर्जनया सभापतित्वय् जूगु खः ।
