लोकतान्त्रिक शक्तित छप्पँ जुइमा : खनाल

नेकपा (एमाले)या अध्यक्ष झलनाथ खनालं लोकतान्त्रिक शक्तित छप्पँ जुइमाःगु खँय् बः बियादीगु दु । वय्कलं दलीय अन्तरद्वन्द्वया कारणं गतिरोध अप्वःगु धयादिसें लोकतान्त्रिक शक्तित छप्पँ जुइमाःगु धयादिसें लोकतान्त्रिक शक्तितय्सं जक देय्यात निकस बीफइगु धयादिल ।

एमाले सम्पर्क विशेष समन्वय समितिं शनिवाः येँय् याःगु राष्ट्रिय भेला व सांस्कृतिक ज्याझ्वःलय् अध्यक्ष खनालं माओवादी नाप जूगु सहमति शान्ति व संविधानया निंतिं जूगु धयादिसें मेमेगू दलत नं सहमतिलय् वयेगु विकल्प मदुगु धयादिल । वय्कलं माओवादी नाप जूगु सहमति लिपा दलत दथुइ सहमतिया लँपु चाःगु धयादिल ।

न्हय्क्वः तक जूगु चुनाव पाखें नं प्रधानमन्त्री ल्ययेमफुगु धयादिसें खनालं अज्याःगु निर्वाचनयात निरन्तरता बीगु अर्थहीन जुइगु धयादिल ।