निंनिसें छेँय् छेँय् प्रहरी वइगु अभियान

येँ (सन्ध्या टाइम्स)/मोहनि व स्वन्ति नखःया इलय् खुँ अप्वइगु खँयात ध्यानय् तयाः सुरक्षा उपायबारे सचेत यायेत प्रहरीपाखें थनिंनिसें अभियान न्ह्याकेत्यंगु दु। महानगरीय प्रहरी अपराध महाशाखां थ्व अभियान न्ह्याकेत्यंगु खः। थनिंनिसें स्वनिगःबासीया छेँय् छेँय् वनाः लुटपाट याइपिंसं छ्यलीगु भाय्, ल्वाभः व इपिं वइगु ईया बारे जानकारी बीत थ्व अभियान न्ह्याकेत्यंगु खः ।