बूपिंत नं छधि यानाः न्ह्याः वनेमाः : सिंह

नेपाली कांग्रेसया न्हूम्ह महामन्त्री प्रकाशमान सिंहं बूपिं उम्मेद्वारतय्त नं छधि यानाः न्ह्याःवनेगु खँ धयादीगु दु ।

येँ थौं जूगु साक्षात्कार ज्याझ्वलय् महामन्त्री सिंहं झिंनिक्वःगु महाधिवेशन एकताया महाधिवेशन जूगुलिं पार्टीयात एकतावद्ध यानाः न्ह्याकेगु दाबी यानादिल । वय्कलं बूपिं उम्मेद्वारतय्सं नं पार्टीया निंतिं मूवंगु योगदान ब्यूगु धयादिसें फुक्कसित उचित थाय् बियाः पार्टी छधि जुया न्ह्याःवनेगु धयादिल ।

अथेहे वय्कलं नेकपा (एमाले) व एकीकृत नेकपा (माओवादी) दथुइ जूगु सहमति अन्तरिम संविधान अःखः जुइगु धासें बहुमतीय अभ्यासं न्हूगु सरकार बनेजुइमाःगु अडान कयादिल ।