स्वीन्यागू जिल्लाय् डेंगु

महामारिया रुपय् न्यनाच्वंगु भाइरल ज्वरो डेंगुपाखें थीथी स्वीन्यागू जिल्लाय् लिच्वः लाःगु विवरण सार्वजनिक जूगु दु । राष्ट्रिय रोग नियन्त्रण महाशाखाया कथं डेंगु स्वीन्यागू जिल्लाय् फैले जूगु व डेंगुपाखें दकलय् अप्वः लिच्वः चितवनय् लाःगु दु । चितवन जिल्ला अस्पतालय् थनिंनिसें ज्वरो वःपिन्त विशेष पद्धितं परिक्षण न्ह्याकूगु दु । चितवनय् थुगु ल्वय्या संक्रमणं नीन्हय्म्ह स्वयां अप्वः बिरामी जूगु खँ सीधुंकूगु दु । वासः यायेगु ज्याय् दुथ्यापिं चिकित्सकतय्सं हि परिक्षण याःबलय् डेंगुया जिवाणु खनेदयेवं विशेष उपचार अभियान न्ह्याकूगु खः । कैलाली नापंया पश्चिम जिल्लाय् नं डेंगुया संक्रमण खनेदयावःगु दु ।