न्हापांम्ह नेवाःनायःया झ्वाता तइगु

नेपाःया संकिपा ख्यःया न्हापांम्ह नेवाःनायः भाजु शिवशंकर मानन्धरया झ्वाता तइगु जूगु दु ।
भाजु मानन्धर न्हापांम्ह नेवाःनायः जक मखुसे लोकंह्वाःम्ह संगीतकार नं खः ।

नेवाः मुक्ति मोर्चा येँ १३ वडा कचाया कुतलय् थ्व झ्वाता तयेगु ज्या जुयाच्वंगु खः । थ्व झ्वाता दयेकेया लागि भाजु कन्हैया प्रसाद जोशीया संयोजकत्वय् छगू समिति दयेका ज्या न्ह्याकाच्वंगु दु ।

संभव जुत्तले थ्वहे वइगु नेपाल संवत् ११३१ न्हूदँ कुन्हु हे उलेज्या यायेगु कथं ज्या न्ह्याकाच्वनागु व थुकिया लागि महानगरपालिकाय् स्वीकृती कायेमाःगुलिं उखेपाखे ब्वाँय् जुयाच्वनागु समितिया छ्यांजे भाजु रामशरण डंगोलं नेपालमण्डलयात जानकारी बियादिल ।

छुं दँ न्ह्यः मदयेधुंकूम्ह भाजु मानन्धरया म्हछम्हंया झ्वाता स्थानिय टंकेश्वरय् तइगु खः ।