मुस्लिमपाखें आलम त्यात, मेगू आरक्षण कोटाया लिच्वः कन्हय्

नेपाली कांग्रेसया झिंनिक्वःगु महाधिवेशन पाखें केन्द्रीय दुजःया मुस्लिम कोटापाखें मोहम्मद अफताव आलाम त्याःगु दु । संस्थापन पक्षया आलमं १२६६ मत हःगु खः । श्रम मन्त्री नं जुयादीम्ह आलमया प्रतिद्वन्दी मोहम्मद रजी हदरं ७७६ हःगु खः ।

आरक्षण पाखें मिसा, जनजाति, मधेशी व दलित कोटाया मतगणना बहनी ८ बजे तक नं क्वमचाःगुलिं कन्हय् तकया निंतिं लिछ्याःगु दु । आः हानं कन्हय् सुथय् ८ बजे निसें मतगणना याइ । आः तकया मतगणनाया लिच्वः कथं मिसा पाखे मीना पाण्डे, उमा रेग्मी, पुष्पा भुसाल, कमला पन्त न्ह्यने दु । मधेशी कोटाय् अजय चौरसीया दुसाः दलित कोटाय् मीन विश्वकर्मा व मानबहादुर विश्वकर्मा न्ह्यने दुगु खँ निर्वाचन समितिं धाःगु दु ।