माओवादीं कालिबहादुर खामयात निलम्बन

एकीकृत नेकपा (माओवादीं) पार्टीया केन्द्रीय दुजः कालिबहादुर खामयात पार्टीं निलम्बन याःगु दु । कोटेश्वरया व्यापारी रामहरि शर्मायात स्याःगु व चिनियाँ व्यापारीतय्त लुटे याःगु द्वपं लानाच्वंम्ह खामयात माओवादीं बिहीवाः निलम्बन याःगु खः ।

अथेहे माओवादीं मेम्ह केन्द्रीय दुजः रामप्रसाद बञ्जाडेयात नं निलम्बन याःगु दु । आर्थिक हनामिनय् संलग्न जूगु द्वपलय् बञ्जाडेयात निलम्बन याःगु खः । बञ्जाडेयात सशस्त्र युद्धया इलय् नवलपरासी इाचार्ज जुयाः आर्थिक हिनामिना याःगु द्वपनय् निलम्बन याःगु खः ।