राष्ट्रपति पाखें इन्द्रजात्रा अवलोकन

थौं येँयाःया झ्वलय् क्वने याः अर्थात इन्द्रजात्रा । क्वनेयाः न्हापांगु दिं थौं राष्ट्रपति डा. रामवरण यादव राष्ट्रप्रमुखया हैसीयतं येँया हनुमानढोकाय् वयाः इन्द्रजात्राया अवलोकन यानादीगु दु । उगु इलय् प्रधानमन्त्री माधवकुमार नेपाल, सभामुख सुभाषचन्द्र नेम्वाङ, संवैधानिक आयोगया प्रमुख, मन्त्रीत, प्रधानसेनापति लगायत कुतनिटिक नियोगया प्रमुखतय् नं ब्वति दुगु खः ।

क्वनेया झ्वलय् थौं कुमारी भैलः व गणेद्यःया रथ बसन्तपुली शुरु जुयाः मरु, चिकंमू, न्हूघः, लगं, ब्रम्हुत्वाः, ह्यूमत, जैसि देगः, क्वहिति, भिंद्यःत्वाः मरु जुया बसन्तपू थ्यंकाः क्वचाःगु खः ।

वंगु यंलाथ्व द्वदशी सोमवाः कुन्हु सुथसिया ९ बजे जुया २५ मिनेटया साइतय् यःसिं हनुमानध्वाखा कालभैरव न्ह्यःने थनेवं विधिवत रुपं येँयाः सुरु जूगु खः ।