राष्ट्रपतियात संवैधानिक अधिकार छ्यलेत इनाप

संविधानसभाय् दुथ्याःगु दलत नेपाली कांग्रेस, एमाले लगायत झिंखुगू दलतय्सं प्रधानसेनापतिया चीकेगू सरकारया कुतः सफल जुइ मबीत राष्ट्रपतियात इनाप याःगु दु ।

मंगलवाः निन्हये राष्ट्रपति डा. रामवरण यादवयात नापलानाः संवैधानिक अधिकार छ्यालाः माओवादी नेतृत्वया सरकारयात थंज्याःगु निर्णय याये पाखें दिकेत इनाप याःगु खः ।

वस्वयां न्ह्यः कांग्रेस ज्याकू सनेपाय् च्वंगु झिंखुगू दलतय् बैठकं प्रधानसेनापतियात स्पष्टिकरण माग याःगु सरकारया निर्णय आपत्तिजनक जूगु ठहर यासें सेनाया परमाधिपति एवं संरक्षक जुम्ह राष्ट्रपतिया ध्यानाकर्षण यायेगु निर्णय याःगु खः ।

बैठक सिधेवं राष्ट्रपति निवास शितल निवास थ्यंगु झिंखुगू हे दलया प्रतिनिधितय्सं सरकार व सेना दथुइया विवाद उत्कर्ष थ्यंगु धासें संविधानं ब्यूगु अधिकार छ्यलेत इनाप याःगु खः ।