'सरकार व माओवादी दथुइया सहमति महत्वपूर्ण उपलब्धी'

नेपाः स्थित राष्ट्रसंघीय मिसन अनमिनं नेपाः सरकार व एनेकपा (माओवादी) दथुइ जूगु प्यंगू बुँदे सहमति शान्ति प्रकृयाया निंतिं महत्वपूर्ण उपलब्धी जूगु खँ धाःगु दु । अनमिनं थुगु सहमति लिपा सेना समायोजन विशेष समितिं थःगु ज्या न्ह्याकूगु प्रति नं लसता प्वंकूगु दु ।

अनमिनं बुधवाः येँय् छगू पत्रकार सम्मेलन यानाः सहमतिया कारणं आःया निंतिं परिस्थिति सहज जुसां दलतय्सं उकीया गुकथं कार्यान्वयन याइ उगु हे कथं हाथ्या व सहजता निर्धारण जुइगु खँ धाःगु दु ।

पत्रकार सम्मेलनय् अनमिन प्रमुख करिन ल्यानग्रेनं नकतिनि राष्ट्रसंघीय मुख्यालयलय् जूगु सुरक्षा परिषदया बैठकं सरकार व माओवादीयात लडाकु समायोजनया कार्ययोजना गम्भीरतापूर्वक कार्यान्वयन यायेत इनाप याःगु धयादिल ।