मतदान क्वचाल, थौं हे सभापतिया लिच्वः
नेपाली कांग्रेसया झिंनिक्वःगु महाधिवेशनया मतदना क्वचाःगु दु । निर्वाचन समितिं क्वःछिनातःगु कथं मंगलवाः सुथय् ८ बजे निसें सुरु जूगु मतदान ज्याझ्वः निर्धारित ई स्वयां घौछि ताःहाक जुयाः सनिलय् ५ बजे जक क्वचाःगु खः । मतदान यायेगु निर्धारित ई ४ बजे तक जुसां दक्वं मतदातातय्सं मतदान यायेमलाःगुलिं घौछिया ई थप याःगु खः ।
थौं ६४म्ह न्हूपिं केन्द्रीय पदाधिकारीतय् निंतिं जूगु मतदानय् ३०३७म्ह महाधिवेशन प्रतिनिधितय्सं ब्वति काःगु खः । मतदानया निंतिं ३०८८ प्रतिनिधितय् नां सर्वाजनिक जूगु खःसां ५१ प्रतिनिधितय्सं निर्वाचन प्रकृयाय् ब्वति मकाः ।<
निर्वाचन समितिं सभापतिया निंतिं मतगणना थौं बहनी ८ बजे निसें जुइगु व स्वघौया दुन निर्वाचनया लिच्वः सार्वजनिक यायेगु ताः तःगु दु । यदि थौं सभापतिया निंतिं उम्मेदवार जूपिं स्वम्हेसिनं नं ५१ प्रतिशत मत कायेमफुसाः बिहीवाः हानं अप्वः मत हःपिं निम्ह उम्मेदवारत दथुइ निर्वाचन जुइ ।
सभापतिया लिच्वः वयेधुंकाः जक महामन्त्री, दांभरी, केन्द्रीय दुजः आदिया मतगणना याइगु खँ धाःगु दु ।
