माओवादीया विस्तारित बैठक चितवनय्

एकीकृत नेकपा (माओवादी)या विस्तारित बैठक चितवनय् जुइगु जूगु दु । मंगलवाः च्वंगु पार्टी स्थायी कमिटीया बैठकं कात्तिक ६ गते पार्टीया विस्तारित बैठक चितवनय् यायेगु क्वःछिउगु खः । अथेहे पार्टीया जनवर्गिय संगठनया राष्ट्रिय भेला मंसिरय् यायेगु नं क्वःछिउगु दु ।

बैठकं पार्टी नीति विपरीत वनीपिं नेतात व कार्यकर्तातय्त नियन्त्रणय् कायेत शक्तिशाली अनुशासन आयोग गठन यायेगु निर्णय याःगु दु । नापं माओवादीं पार्टीया नीति विपरीत पार्टीया नेतातय्सं पिथनीगु ज्वँयात नियन्त्रण यायेगु निर्णय नं याःगु दु ।

अथेहे बैठकं एमाले नाप जूगु स्वंगू बुँदे सहमति व नेपाः स्थित राष्ट्रसंघीय मिसन अनमिनया म्याद थप याःगु निर्णय नं अनुमोदन याःगु दु ।