ल्यानग्रेनं प्रमयात नापलात
नेपाः स्थित राष्ट्रसंघीय मिसन अनमिनया प्रमुख करिन ल्यानग्रेनं प्रधानमन्त्री माधवकुमार नेपालयात नापलानादीगु दु ।
राष्ट्र संघया सुरक्षा परिषदया बैठकय् ब्वति कयाः लिहांझायादीम्ह ल्यानग्रेनं प्रधानमन्त्रीयात बैठकया बारे ब्रिफिङ यानादीगु खः । सुरक्षा परिषदया बैठकय् ल्यानग्रेनं नेपाःया शान्ति प्रकृयाया बारे कार्यपत्र पेश यानादीगु खःसा उगु हे बैठकं अनमिनया म्याद प्यलाःया निंतिं थप याःगु खः ।
ल्यानग्रेनं सरकार व माओवादी दथुइ अनमिनया म्याद तनेगु निंतिं जूगु प्यंगू बुँदे सहमतियात लसकुस यानादिसें थुकीं यानाः शान्ति प्रकृयायात सुथांलाक न्ह्याकेत ग्वाहालि जुइगु विश्वास प्वंकादिल ।
प्रधानमन्त्रीया सिंहदरवार स्थित ज्याकूथी जूगु खँल्हाबंलाय् नेपाःया लिप्पांगु राजनीतिक घटनाक्रम, शान्ति प्रकृया, संविधान निर्माण, लडाकु समायोजन व अनमिनया बारे सहलह जूगु खः ।
