मधेशवादी दल छप्पँ मजूगुलिं समस्या : मधेशवादी नेतात
मधेशवादी दलत छप्पँ जुइमफुगु कारणं मधेशया समस्या ल्यूने लाःगु खँ मधेशवादी दलया नेतातय्सं धाःगु दु ।
मधेशी पत्रकार समाजं थौं येँय् याःगु अन्तरक्रिया ज्याझ्वलय् मधेशी नेतातय्सं थःपि मिलेमजूगु कारणं मेगू दलतय्सं सत्ताया कासा म्हिताच्वंगु द्वपं ब्यूगु दु । ज्यझवलय् तराई मधेश लोकतान्त्रिक पार्टीया उपाध्यक्ष हृदयेश त्रिपाठीं तधंगु दलतय्सं आर्थिक, सामाजिक व सांस्कृतिक आधारय् मधेशीयात भेदभाव याइगु धयादिसें मधेशवादी दलं धाःसा मधेशी जनताया भावनायात शोषण याःगु धयादिल ।
मधेशी जनअधिकार फोरमया अध्यक्ष उपेन्द्र यादवं मधेशयात आन्तरिक उपनिवेश दयेकातःगु धयादिसें उपनिवेशं मुक्ति मजूतले अन च्वपिं जनताया विकास जुइफइगु धयादिल । फोरम लोकतान्त्रिकया वरिष्ठ उपाध्यक्ष रामेश्वरराय यादवं मेपिंत सत्ताय् थ्यंकेगु निंतिं मधेशवादी दलत दथुइ फुट वयेमज्यूगु धयादिल ।
उगु ज्याझ्वलय् पत्रकार सीताराम अग्रहरिं कार्यपत्र न्हब्वयादिसें नेपालय् तक्वः हे राजनीतिक परिर्वतन जुसां नं उकीं मधेशी जनताया जीवनस्तरय् छु नं ह्यूपाः मवःगु टिप्पणी यानादिल ।
