दुर्घटनाय् लानाः निम्ह मंत

येँ (सन्ध्या टाइम्स)/पाल्पाया रामपुर लागाय् च्वंगु चिदीपानी गाविसया भुटुकेभन्ञ्याङय् वंगु चान्हय् जूगु ट्रक दुर्घटनाय् लानाः छम्ह मनू सीगु दु। दुर्घटनाय् लानाः मेम्ह छम्ह घाःपाः जूगु दु। वुटवलं पाल्पाया ताहुकर्फपाखे खाद्यान्न ज्वना वनाच्वंगु लु. १ ख ६६२४ नम्बरया ट्रक दुर्घटना जूगु खः। दुर्घटनाय् लानाः सीम्ह मनूया सनाखत धाःसा जुइ मफुनि। ट्रकया चालक गुल्मीया कमल थापा नं घाःपाः जूगु दु ।
अथे हे थौं सुथय् अर्घाखाँचीइ नं जीपं ठक्कर नकाः छम्ह मचा सीगु दु। बा. १ ज ७२७० नम्बरया फोर्स जीपं डोहटे धइगु थासय् ठक्कर नकाः स्वदँ दुम्ह मिसामचा देवी विश्वकर्मा सीगु खः। घटना लिपा प्रहरीं गाडीयात नियन्त्रणय् काःगु दुसा चालक धाःसा बिसिउँ वंगु दु ।