गोलीं कयाः प्यम्ह प्रहरी घाःपाः
येँ (सन्ध्या टाइम्स)/रौतहटया गौरया बीपी चोकय् वंगु चान्हय् तःजिक सांस्कृतिक प्याखं क्यनाच्वंगु थासय् आकाझाकां गोली चले जुयाः अन खटे जुयाच्वंपिं प्यम्ह प्रहरी घाःपाः जूगु दु ।
म्हिगः शनिवाः विश्वकर्मा पूजाया झ्वलय् अन बहनी थ्यंकं सांस्कृतिक प्याखं क्यनाच्वंगु खः। उगु हे आकाझाकां गोली चले जुयाः प्यम्ह प्रहरी घाःपाः जूगु खः। गोलीं कयाः घाःपाः जूपिं प्यम्हं प्रहरी जवानतय्त स्थानीय अस्पतालय् वासः याकातःगु दु। उगु घटनाय् स्वापू दुगु आशंकाय् गौरया मोहन गुप्तायात प्रहरीं नियन्त्रणय् कयाः अनुसन्धान यानाच्वंगु दु ।
