कार्कीयात पार्टी दुजः पाखे निलम्बन यायेत निर्देशन

घुस प्रकरणय् ज्वनायंकूम्ह नेकपा (एमाले)या सभासद् डोलबहादुर कार्कीयात पार्टीया संगठित दुजः व अखिल नेपाल किसान महासंघया स्थायी समिति दुजः पाखें निलम्बन यायेत एमाले अनुसाशन आयोगं निर्देशन ब्यूगु दु ।

एमालें घुस प्रकरणया बोर छानबिन यायेत गठन याःगु स्वम्ह दुजः दुगु समितिया प्रतिवेदनया आधारय् आयोगया आइतवाः च्वंगु बैठकं कार्कीयात निलम्बन यायेत केन्द्रीय समितियात निर्देशन ब्यूगु खः । आयोगं थंज्याःगु गम्भीर घटना पाखें शिक्षा कयाः आर्थिक अनियमितता जुइगु ज्याखँ प्रति सचेत जुइत दक्वसितं इनाप याःगु दु ।

प्रहरी भर्नाया सम्बन्धय् छगू लख घुस कयाच्वंगु इलय् कार्कीयात अख्तियार दुरुपयोग अनुसन्धान आयोगं ज्वंगु खः ।