छवाःन्यंक एनआरएन दिवस न्यायेकीगु
गैरआवसीय नेपाली संघ (एनआरएनं) वइगु असोजया स्वंगूगु वालय् गैरआवसीय नेपाली दिवस न्यायेकीगु जूगु दु ।
संघं येँय् थौं छगू पत्रकार सम्मेलन यानाः असोज २१ निसें २६ गते तक कास्कीया पोखराय् दिवस न्यायेकीगु जानकारी ब्यूगु दु । थुगु हे लसताय् पोखराय् म्याराथन, पर्यटन पदयात्रा, हिदान, खुल्ला विश्वविद्यालयबारे सहलह यायेगु नापं उगु हे इलय् सरकारनाप थीथी सम्झौता यायेगु खँ नं संघं धाःगु दु । दिवसय् न्यय्खुगू देशं निसः स्वयां अप्व एनआरएनतय्सं ब्वति काइगु ज्याझ्वः दु ।
पत्रकार सम्मेलनय् संघया नायः देवमान हिराचनं संघं आः स्थानीयस्तर व ग्रामीण क्षेत्र तक विकासया ज्याझ्वः कयाः न्ह्यावनीगु धयादिल । वय्कलं नेपालय् लगानीमैत्री वातावरण जुसाः विदेशी लगानी वयेफइगु नं धयादिल ।
सरकारं अक्टोबर ११यात औपचारिक रुपं गैरआवासीय नेपाली दिवसया मान्यता बियातःगु दु ।
