३५३ उम्मेदवारी दर्ता, सभापतिया निंतिं ३म्ह
नेपाली कांग्रेसया जारी झिंनिक्वःगु महाधिवेशन कथं थौं जूगु उम्मेदवारी दर्ता यायेगु ज्याझ्वलय् ३५३म्ह मनूतय्सं उम्मेदवारी दर्ता याःगु दु । उम्मेदवारी मध्ये सुशील कोइराला, शेरबहादुर देउवा व भीमबहादुर तामाङ यानाः ३म्हेसिनं सभापतिया निंतिं उम्मेदवारी दर्ता याकूगु दु ।
अथेहे महामन्त्रीया निंतिं प्रकाशमान सिंह, विमलेन्द्र निधि व नरहरि आचार्यं उम्मेदवारी दर्ता याःगु दुसाः दांभरीया निंतिं चित्रलेखा यादव व पद्मनारायण चौधरीं उम्मेदवारी ब्इूगु दु ।
केन्द्रीय दुजःत पाखे २५गू खुला सिटया निंतिं ९९गू उम्मेदवारी दर्ता जूगु दु । ६गू मिसा पाखेया सिटया निंतिं ४०गू उम्मेदवारी, ३गू जनजाति मिजं कोटाया निंतिं ३७गू व २गू मिसा जनजाति कोटाया निंतिं १५गू उम्मेदवारी लाःगु दु ।
३गू दलित मिजंया निंतिं २५गू व २गू मिसा दलित सिटया निंतिं ५म्हेसिया उम्मेदवारी लाःगु दु । मधेशी पाखे ३म्ह मिजंतय् निंतिं २३गू व २म्ह मिसातय् निंतिं ६गू उम्मेदवारी लाःगु दु । मुस्लीमतय् १गू सिटया निंतिं ११गू उम्मेदवारी लाःगु दु ।
अथेहे अञ्चल पाखे १४गू सिटया निंतिं ९२ उम्मेदवारी लाःगु दु ।
