नेपालय् हस्तक्षेप मयायेगु भारतीय नेताया धापू
नेपलाय् भारतं हस्तक्षेप यानाच्वन धकाः थीथी ख्यलय् कुंखिनाच्वंगु इलय् भारतीय नेतातय्सं नेपालय् हस्तक्षेप मययोगु खँ धाःगु दु ।
रिपोटर्स कल्वं शनिवाः येँय् ग्वसाःग्वःगु साक्षात्कार ज्याझ्वलय् कांग्रेस आईया केन्द्रीय दुजः सदानन्द सिंहं नेपाःया राजनीतिक दलत मिले जुयाः थनया समस्या समाधान यायेमाःगु धयादिसें भारतं नेपाःया आन्तरिक मामिलाय् हस्तक्षेप मयाइगु धयादिल । वय्कलं नेपालय् प्रजातन्त्रया संस्थागत यायेगु ज्यायात स्यंकेत देय् दुनेया प्रतिगमामितय्सं नं मफइगु व विदेशी शक्ति नं मफइगु धयादिल ।
कांग्रेस आईया मेम्ह केन्द्रीय दुजः मनिसकुमार पटेलं दलत मिले जुयाः सहमतिया आधारय् निकास मालेत सुझाव बियादिसें छगू दलं मेगू दलया अस्तित्वयात स्वीकार यायेमाःगु धयादिल । अथेहे कांग्रेस आईया नेत शम्भुसिंह पटेलं याकनं शान्ति प्रकृया व संविधान निर्माण यायेमाःगु धयादिल ।
