प्यंगः बम ज्वन

येँ (सन्ध्या टाइम्स)/ रौतहटया प्रहरीं थौं सुथय् छखा छेँय् छापा मारे याना प्यंगः सुतली बम नापं छम्हेसित ज्वंगु दु। रौतहटया प्रेमपुर गोनाही ४ या सोनालाल पटेलयात प्यंगः सुतली बम सहित ज्वंगु खँ जिल्ला प्रहरी ज्याकू रौतहटं धाःगु दु। इलाका प्रहरी ज्याकू गरुडापाखें वंगु प्रहरी पुचलं पटेलया छेँय् थौं सुथय् छापा मारे यानाः उगु बम ज्वंगु खः। बम नापं ज्वंम्ह पटेलयात हिरासतय् तयाः अनुसन्धान यानाच्वंगु दु खँ नं प्रहरीं धाःगु दु। पटेलया छेँय् बम दुगु नापं आपराधिक घटनाय् स्वापू दु धकाः वःगु सुचंया आधारय् अन प्रहरीं छापा मारे याःगु खः ।