कार्यतालिकाया नितिं विशेष समिति मुँज्या

येँ (सन्ध्या टाइम्स)/सेना समायोजनया कार्यतालिका व आचार संहिता दयेकेगु निंतिं सहलह ब्याकेत थौं सनिलय् सेना समायोजन विशेष समितिया मुँज्या च्वनीगु जूगु दु।
प्यलाया दुने सेना समायोजन, पुनर्स्थापना यायेगु धकाः उगु विशेष समितिया म्हिगः च्वंगु मुँज्यां क्वःछिउगु खःसा कन्हय् असोज १ गतेनिसें हे सेना समायोजनया निंतिं ज्या न्ह्याकेत माःगु कार्यतालिका नापं आचारसंहिता दयेकेगु नितिं थौं मुँज्या च्वनेत्यंगु खः। सिंहदरवारय् च्वनीगु उगु मुँज्याय् माओवादी सेनायात विशेष समितिया मातहतय् हयेगु विषयय् नं सहलह जुइ धाःगु दु ।