बम मइकाः बागू दर्जन छेँय् लुटपात

येँ (सन्ध्या टाइम्स)/सिराहाया हमपारा गाविस वडा नं. १ या सागरपुर गामय् छथ्वः लुटेरातय्सं बागू दर्जन छेँय् छक्वलं लुटपात यात। जिल्ला प्रहरी ज्याकुथिं बिउगु जानकारी कथं ल्वाभः सहित वःपिं झिम्ह ति लुटेरातय्सं चान्हय् १ बजेनिसें स्थानीय हरिदेव मण्डल, बोकु यादव, रामनारायण मण्डल, रामगुलाम मण्डल नापं बागू दर्जनं मल्याक छेँय् ध्यबा, लुँ, मोबाइल लुटे याःगु खः। इमिसं मुइकूगु सुतली बमं कयाः छम्ह मिसा व मचा घाःपाः जूगु दु ।