पार्टी सुदृढिकरण याये : कोइराला

नेपाली कांग्रेसया कार्यवाहक सभापति व सभापतिया प्रत्यासी सुशील कोइारालां थम्हं सभापतिया पद त्याकूसा पार्टीलय् सुदृढिकरण व संस्थागत मर्यादा स्थापित यायेगु खँ धयादीगु दु ।

बिहीवाः येँय् झिंनिक्वःगु महाधिवेशनया प्रतिनिधित्व याइगु दलित समुदायया प्रतिनिधिया सम्मान ज्याझ्वलय् कार्यवाहक सभापति कोइरालां प्रजातान्त्रिक व्यवस्था व राजनीतिक अवस्थाय् सुधार हयेत संगठन चुस्त दयेकेगु धयादिल । वय्कलं महाधिवेशनय् सक्षम प्रतिनिधि ल्ययेमाःगु नं धयादिल । ज्याझ्वलय् दलित समुदायया सच्छिम्ह प्रतिनिधियात सम्मान याःगु खः ।