अनमिनया म्याद प्यलाः थप
संयुक्त राष्ट्रसंघया सुरक्षा परिषदं नेपाःस्थित राष्ट्रसंघीय मिसन अनमिनया म्याद प्यलाःया निंतिं थप याःगु दु । शान्ति प्रकृयाया ज्या प्यलाःया दुने क्वचायेकेतं पुलांगु हे कार्यादेश कथं अनमिनया म्याद तनेत सरकार व एकीकृत नेकपा (माओवादीं) सुरक्षा परिषद्यात पौ छ्वःगु कथं वंगु चान्हय् सुरक्षा परिषदं म्याद थप याःगु खः ।
राष्ट्रसंघया मू ज्याकू न्युयोर्कय् च्वंगु सुरक्षा परिषदया मुँज्यां पुस मसान्तय् नेपाः त्वतेगु निर्णय नं याःगु दु । प्यलाःया ईयात नेपाःया राजनीतिक दलतय्सं फलदायी रुपं उपयोग याइगु विश्वास मुँज्यां काःगु दु । अनमिनं प्यलाः लिपा नेपाः त्वतेगु व थ्व लिप्पांगु खुसिया निंतिं अनमिनया म्याद थप यानागु खँ सुरक्षा परिषदं स्पष्ट याःगु दु ।
नेपाःया शान्तिप्रकृयाय् ग्वाहालि यायेत सन् २००७ जनवरीलय् नेपाः वःगु अनमिनया म्याद थप याःगु थ्व न्ह्यक्वःगु खुसिइ खः ।
