शान्ति प्रकृया निष्कर्षय् मथ्यंसाः गम्भीर संकट : राष्ट्रपति

राष्ट्रपति डा. रामवरण यादवं शान्ति प्रकृयायात तार्किक निष्कर्षय् थ्यंकेमफुसाः देय् गम्भीर संकटय् फसेजुइ धयादीगु दु ।

गैरसरकारी संस्था महासंघया खुक्वःगु राष्ट्रिय महाधिवेशनया सोमवाः येँय् उल्लेज्या यानादिसें शान्ति प्रकृयायात निष्कर्षय् थ्यंकेत व न्हूगु संविधान ईलय् हे देयेकेत सहमति आवश्यक जूगु धयादिल ।
राष्ट्रपति यादवं देया संक्रमणकालीन स्थितियात व्यवस्थित यायेत दक्व पक्ष जिम्मेवार ढंग न्ह्यावनेमाःगु खँ बः बियादिल । जनतां न्हूगु संविधान निर्माण याना देय्यात गन्तव्य थ्यंकेत निर्देश ब्यूगुलिं राष्ट्रिय एकता अखण्डता व आपसी सदभाव आत्मसातयाना न्ह्याः वनेमाः धयादिल । वयेकलं प्रेस स्वतन्त्रता, मानव अधिकार, स्वतन्त्र न्यायपालिका सहितया लोकतान्त्रिक पद्धति निर्माण याये मा:गु खँ बः बियादिल ।