स्वनिगलय् पेट्रोल अभाव

नेपाल आयल निगमं स्वनिगलय् माःकथं पेट्रोल आयात यायेमफयाः छुं दिंनिसें स्वनिगलय् पेट्रोलया अभाव जूगु दु । भारतीय आयल निगमं रक्सौलय् दुगु पेट्रोल टुङ्की सुचुपिचु यायेगु ज्या न्ह्याकूगुलिं पेट्रोल आयातय् समस्या वःगु खः । नेपाल आयल निगमया प्रवक्ता मुकुन्दप्रसाद ढुङ्गेलं छवाः न्ह्यःनिसें रक्सौलपाखें पेट्रोल मवःगु जूसां नं निगमं झिंच्यागू लख न्हय्द्वः लिटर पेट्रोल मौज्दात तःगु व उगु पेट्रोल न्यान्हुया दुने हे सिधःगुलिं स्वनिगलय् अभाव जूवंगु खः । वय्कलं म्हिगःनिसें पेट्रोल वयेधुंकूगुलिं कन्हय्निसें सहजरुपं पेट्रोल दइगु जानकारी बियादीगु दु ।