धर्म निरपेक्षता लागू यायेत ज्ञापन पौ

अन्तरिम संविधानय् धर्मनिरपेक्ष घोषणा याःसां नं थ्व व्यवहारय् लागू मजूगु जानकारी ब्यूसें व्यवहारय् लागू यायेत इनापलिसे थौं नेपाल आदिवासी जनजाति महासंघ रुपन्देहीं राष्ट्रपति डा. रामवरण यादव, प्रधानमन्त्री मधावकुमार नेपाल व सविधानसभाया नायः सुभाषचन्द्र नेम्वाङयात ज्ञापन पौ लःल्हाःगु दु । महासंघया न्वकु लीलाबहादुर गुरुङया नेतृत्वया पुचलं प्रमुख जिल्ला अधिकारी तारानाथ गौतमपाखें उगु ज्ञापन पौ लःल्हानादीगु खः । महासंघं राष्ट्रपति प्रधानमन्त्री व सभाध्यक्षयात लःल्हाःगु ज्ञापन पौ एकीकृत नेकपा (माओवादी), नेपाली कांग्रेस, नेकपा (एमाले) जिल्ला प्रहरी ज्याकू लगायत थासय् छ्वःगु जानकारी न्वकु लीलाबहादुर गुरुङं बियादिल ।