सतकय् सीसीटिभी

महेन्द्र व त्रिभुवन राजमार्गया सङ्गमस्थल बाराया पथलैयाय् देशय् हे न्हापांगु खुसिइ राजमार्गय् थौं सीसीटिभी जडान याःगु दु । सवारी चाप अप्वयाः वंगुलिं सवारी साधन दुर्घटना अप्वयाः वयेवं गतिविधि नियन्त्रण यायेगु व खुइगु ज्या थेंज्याःगुलिइ निरुत्साही यायेत मध्यक्षेत्रीय ट्राफिक प्रहरी ज्याकू पथलैयां सीसीटिभी जडान याःगु खः । प्रहरी नायब महानिरीक्षक नवराज ढकालं सीसीटिभीया उलेज्या यानादिसें ट्राफिक अनियमितता लिसे अपराधया घटना सम्बन्धी सत्य तथ्य खँ थुइकेत ग्वाहालि जुइगु विश्वास प्वंकादिल। खुइद्वः तकाया लागतय् जडान याःगु सीसीटिभीं कयातःगु लू नीन्यान्हु तक्क रेकर्ड तइगु प्रहरीं जानकारी ब्यूगु दु ।