३४ प्रतिशत मस्त अझ ज्याय्
थौं भाद्र २९ गते अर्थात राष्ट्रिय बाल दिवस देय्न्यंकलं मस्त सम्बन्धी ज्याझ्वः यानाः थुगु दिवस हंगु दु । मचा अधिकार महासन्धीइ नेपालं ल्हाःचिं तःगु दिं लाकाः प्यदँ न्ह्यःनिसें हरेक दँया भाद्र २९ गते राष्ट्रिय बालअधिकार दिवस हनाः वयाच्वंगु खः । थुगु दँय् 'झी सकसिया सरोकार न्हूगु संविधानय् सुनिश्चित मचा अधिकार' धइगु मू नारालिसे मचा दिवस हनेगु ज्या जूगु खः ।
नेपालं थौं स्वयाः पाय्छि झिंगुदँ न्ह्यः मचा अधिकार महासन्धीइ ल्हाःचिं तःगु खः । मचा अधिकार महासन्धीइ ल्हाःचिं तःगु देय्तय्सं मस्तय्त नयेत, च्वनेत, ब्वनेत, च्वयेतलिसे म्हिते दयेमाःगु प्रावधान दुथ्याकाः तःगु खः । अन्तर्राष्ट्रिय कानूनकथं झिंच्यादँ क्वय्या मनूयात मस्त धायेगु याइसा नेपाःया कानूनकथं झिंखुदँ क्वय्या मस्तय्त कायेगु याः ।
केन्द्रीय तथ्यांक विभागयाकथं नेपालय् स्वीप्यंगू प्रतिशत मस्त श्रमिकयारुपं ज्या यानाः वयाच्वंग दु । नेपालय् कूल जनसंख्याया पीखुगू प्रतिशत मिजं व मिसामस्त दु ।
