नागरिकता बीत स्वंगूगु लिंगीया माग

थःपिं नेपाली नागरिक जूसां नं सरकारं नागरिकताया प्रमाणपत्र बिइत किच्किच यानाच्वंगु जानकारी ब्यूसें स्वंगूगु लिंगीतय्सं सिंहदरवारया दक्षिण लुखाया न्ह्यःने अनसन च्वंगु दु । थौं स्वयाः स्वदँ त्या न्ह्यः सर्वोच्च अदालतं स्वंगूगु लिंगीतय्त नागरिकता बिइत उजं बिइधुंकूगु जूसां नं उमिसं आःतक्क नागरिकता कायेमफुनीगु खँ धाःगु दु । गृहमन्त्रीया हुनिं थःपिंसं नागरिकता कायेमखंगु सभासद् सुनिलबाबु पन्तया द्वपं दु । नेपाली नागरिकताया प्रमाणपत्र मदयाः विदेश भ्रमण रोजगारी, स्वास्थ्य, सुविधा, जीवन बीमा लगायतया आपालं ज्याय् पंगः जूगु स्वंगूगु लिंगीया न्ह्यलुवाःतय्सं थःपिनिगु नुगः खँ प्वंकूगु दु ।