विधेयकपाखें थारु समुदायया माग सम्बोधन यायेगु सहमति
थारु समुदायया माग विधेयक मार्फत सम्बोधन यायेत सत्ता सझेदार दलत सहमत जूगु दु ।
आन्दोलनया चेतावनी ब्यूगु थारु समुदायया माग सम्बोधन यायेत सोमवाः च्वंगु सत्ता सझेदार दलतय् बैठकं थंज्याःगु निर्णय याःगु खः । सहमति पालना मजूगु धासें थरुहट संयुक्त संघर्ष समितिं बैशाष ९ गते निसें आन्दोलनया घोषणा याःगु खः ।
प्रधानमन्त्री निवास बालुवाटारय् च्वंगु बैठकं सरकारपाखें प्रस्तुत अध्यादेश सदनं पारित यायेगु सहमति जूगु दु । प्रमुख प्रतिपक्ष कांग्रेसं सरकारपाखें प्रस्तुत अध्यायदेशया विरोधय् सूचना दर्ता यायेवं सत्ता सझेदार दलतय्सं अध्यादेशया पक्षय् एकमत जुया दनेगु निर्णय याःगु खँ एमालेया महासचिव इश्वर पाखरेलं धयादिल । थारु समुदायया माग व थीथी असन्तुष्ट पुचःया माग बारे सहलह यायेगु जिम्मा शान्तिमन्त्री जनार्दन शर्माया ब्यूगु दु ।
बैठकं सप्तकोशी पीडित राहत व क्षतिपूर्तिबारे नं सहमति याःगु दु । सहमति कथं पीडित पक्षया राहत व क्षतिपूर्तिया निंतिं निगू अर्ब तकाः खर्च यायेगु निर्णय याःगु खँ सदभावना पार्टीया महामन्त्री अनिलकुमार झां कनादिल । दकले अप्व प्रभावितयात निगूत्याः लाख व वः स्वयां म्हो जक क्षति जूपिंत क्षतिया गम्भीरता स्वयाः निगूत्याः लाख व छगूत्याः लाख बीगु निर्णय याःगु दु ।
